Саха тылын түһүлгэтин тэниттибит

Олунньу 13 күнэ – саха тылын, суругун – бичигин күнэ.

 

Олунньу 13 күнүгэр – Ийэ тыл күнүгэр аналлаах нэдиэлэ иитэр - үөрэтэр кыһаларга: Танара оскуолатыгар, Мукучу гимназиятыгар өрөгөйдөөх линейканан саҕаланна. Модельнай библиотека, «Өбүгэ ситимэ» түмсүү социальнай партнердарбытын кытта үүнэр көлүөнэ ыччаттарбытыгар анаан тэрийдибит.

Танара орто оскуолатын асчыттара алаадьынан күндүлээтилэр.

Түргэн - тарҕан туттунуулаах үөрэнээччи В. О. аппаратураны бэлэмнээтэ.

Сурук - бичик күнүн суолтатын саха тылын, литературатын учуутала Самсонова С. Н. кэпсээтэ.

Этно - фольклорнай түмсүү ис хоһоонун билиһиннэрдибит. Оһуокайдьыт Данил Николаев Сахабыт сирин кэрэ айылҕатын хоһуйартан саҕалаан тылы харыстыырга ыҥырар ис хоһоонноох оһуокай тылын эттэ.

Кырдьаҕас оһуокайдьыты батыһан үөрэнээччи Н. И. Семен Новгородов үлэтин суолтатын туһунан ис хоһоонноон оһуокай тылын эттэ.

Күннүү илии эргийэн, дьэрэкээн сахалыы таҥастаах дьон саал иһин толордо.

Гимназияҕа линейканы иитэр завуч Софронова М. Н., саха тылын, литературатын учуутала Корнилова Е. И. тэрийдилэр. Тэрээһин устатын тухары информационнай слайдалар көстө турдулар.

Кырачаан оҕолортон саҕалаан үрдүкү кылаас үөрэнээччилэрэ, кэрэҕэ, үтүөҕэ сирдиир дьон, учууталлар оһуокай түһүлгэтин тэниттилэр.

Им И. Н., Мукучу модельнай библиотекатын библиотекара,

«Өбүгэ ситимэ» этно - фольклорнай түмсүү салайааччыта.

Хаартыскаҕа В.О., Корнилова Е. И. түһэрдилэр.