Ийэ Айылҕаны харыстыырга айымньы нөҥүө иитии

Мукучу нэһилиэгэр олунньу 19 күнүгэр 10 чаастан 15 № - дээх «Кэнчээри» уһуйааныгар оскуолаҕа киириэн иннинээҕи саастаах оҕолорго «Эдэр ааҕааччы - 2016» зональнай күрэх ыытылынна. Сэбиэдиссэй, сатабыллаах салайааччы Елизавета Егоровна тэрийэн ыытта. Араас нэһилиэктэн: Мастаахтан, Бороҕонтон, Тыымпыттан кэлэн кытыннылар.

Дьүүллүүр сүбэ маннык састааптаах үлэлээтибит: бэрэссэдээтэл – Им И. Н., модельнай библиотека библиотекара, чилиэннэр: Алексеева М. А. – Сайылыктааҕы оҕо дьоҕурун сайыннарар тэрилтэ методиһа, Прокопьева В. Н. – «Дайан» СК уус - уран салайааччыта, олохтоох автор.

Сүрүн киирии тылы сэбиэдиссэй Егорова Е. Е. эттэ, сыалы - соругу быһаарда, кыттааччыларга ситиһиилэри, дьүүллүүр сүбэҕэ сиэрдээх сыаналааһыны  баҕарда.

“Кэнчээри” уһуйаан иитээччитэ Зоя Алексеевна Иванова  иилээн - саҕалаан оҕолор уйулҕаларын бэркэ табан, интэриэһинэйдик ыытта. «Киһи - улуу Айылҕа оҕото” буоларын өйдөтөн туран, Ийэ Айылҕаны харыстыыр тыыннаан, эйгэлээн салайда.

Кыра кыттааччылар нүөмэрдэри таллылар. Кыттааччылар сүрүн ирдэбилинэн сирдэтэн хоһоон аахтылар, таҥастара - саптара, туттар бэлиэлэрэ, Мастаахтар биир тэҥ формалары көрөөччүлэр биһирэбиллэрин ыллылар.

Саастарынан арааран түһүлгэ 4  түһүмэҕин көрөн - истэн сыаналыыр күчүмэҕэйдэрдээх, сорох түгэннэргэ мөккүөрдэрдээх да буоллар, дьүүллүүр сүбэ маннык түмүккэ кэллибит:

 

I түһүлгэ

 Гран при - К. С., «Суунар буол» К. Чуковскай

1 миэстэ – П. А., «Куобах»

2 миэстэ – Я. Э., «Чыычаах уйа тутар»

3 миэстэ – В. Е., «Сибэкки» В. Петрова

 

II түһүлгэ

 

Гран при - И. С., «Дорообо тугутчаан» Е. Едукин

1 миэстэ - С. Ю., «Сайын» Д. Васильев

2 миэстэ – Ф. С., Биһиги дьиэбит үрдүгэр

3 миэстэ – П. Р., “Дьэдьэннээх кырдалбар” Н. Афанасьев-Николай Сен Кичяр.

    

III түһүлгэ

Гран при - Г. А., «Саас»

1 миэстэ – И. А.,  «Ооҕуй» Е. Васильев

2 миэстэ – Н. У., «Хатыҥ” П. Тобуруокап

3 миэстэ – Г. Н., «Күнү таптыыбын».

 

IV түһүлгэ

Гран при - К. Т., «Үчүгэйиэн»

1 миэстэ – С. К., «Ньургуһуннар» В. Т. Сивцев

2 миэстэ – Н. Н., “Күһүн” А. Егорова

3 миэстэ – С. У., «Чыычаахтар күннэрэ» П. Тобуруокап.

Түһүлгэлэр түһүмэхтэрин быыһыгар кыттааччылар хаартыскаҕа түстүлэр. Долгуйан, үөрэн - көтөн туран кыттааччылар, иитээччилэр, төрөппүттэр түмүктэри иһиттилэр. Тэрээһин сыалын - соругун ситтэ. Сылтан сыл эдэр ааҕааччылар ахсааннара элбии, үлэлэрин хааччыстыбалара тупса турара үөрдэр.

Уопсай хаартыскаҕа түһүү буолла.

Тэрийээччи тэрилтэ уонна «Өбүгэ ситимэ» этно - фольклорнай түмсүү, модельнай библиотека биир сүрүн санааҕа кэлэммит эһиилги күрэх сүрүн хайысхатынан уус - уран айымньыны пропагандалааһыны тэрийэргэ сөбүлэстибит бииргэ ситимнээхтик, айымньылаахтык үлэлииргэ сүбэлэстибит уонна бу информацияны иһитиннэрдибит.

Им И. Н., Мукучу модельнай библиотекатын библиотекара,

«Өбүгэ ситимэ» түмсүү салайааччыта, общественнай корреспондент.

 

СЫҺЫАРЫЫ

«Утверждаю»                                                                                                                                                                       

Заведующая МДОУ д/с комбинированного вида № 15 «Кэнчээри»

______________ Е. Е. Егорова

«_____»________________2016 г.

 

Оскуолаҕа киириэн иннинээҕи саастаах оҕолорго «Эдэр ааҕааччы - 2016»

зональнай күрэх балаһыанньата

 

Сыала: Айылҕа дьикти баайын, араас көстүүтүн туһунан айымньылары үөрэтии, айылҕаҕа харыстабыллаах сыһыаны, тапталы иитии.

Соруга:

- оҕо талаанын, дьоҕурун сайыннарыы.

 

Ирдэбилэ: Биирдиилээн айылҕа дьикти баайын, араас көстүүтүн, кыылларын туһунан, айылҕаны харыстыыр сыаллаах хоһооннору толоруу.

 Сыаналанар:

1. Толорооччу тыла-өһө чуолкайа, истээччигэ тиэрдиитэ.

2. Куолас эгэлгэтэ, күүһэ-уоҕа.

3. Толорор айымньытын ис хоһоонугар сөп түбэһэр таҥаһа-саба.

Кыттыыны ылаллар: 3-7 саастаах оскуола иннинээҕи оҕо тэрилтэтин иитиллээччилэрэ. Кыра,орто, улахан, бэлэмнэнии бөлөхтөрүнэн сыанабыл.

Биһирэбиллэр: Кыайыылаахха мэтээл, диплом уонна кубок; 1, 2, 3 миэстэлэр. Хас биирдии кыттааччыга уонна салайааччыга туоһу сурук туттарыллар.

Хас биирдии кыттааччы 150 солкуобай тэрээһин взноһун төлүүр.

Кыттааччылартан кыттыы заявканы ылыы олунньу 18 түмүктэнэр.

Буолар күнэ-дьыла: Олунньу 19 күнэ, 10 чаастан.

«Кэнчээри» оҕо саада

 

Заявка киэбэ:

Уһуйаан аата, нэһилиэгэ, улууһа

Оҕо аата, араспаанньата, толору сааһа

Салайааччы ФИО

Айымньы аата

 

 

 

 

 

Тэрийэр бөлөх:

Билсэр телеф:  8-411-63-24-567 89627393910 detsad15muk@mail.ru